तनमन सुम्पी सके अब तिम्रो हुन बाँकी
दुख पीर बिर्सिएर तिम्रै काखमा रुन बाँकी
मनैभित्र तिम्रै माया सल्बलाउछ घरिघरी
जता जान्छु उतै देख्छु तिम्रै छायाँ वरिपरी
ढुक्ढुकीमा सुन्दैछु म, नगाएको धून बाँकी
तनमन सुम्पी सके अब तिम्रो हुन बाँकी
तिम्रो चोखो माया यही मेरो जिउने आश
तिम्रै न्यानो स्पर्शमा अल्झेको छ सास
सारा संसार दिई सक्यौ, छैन अब जून बाँकी
तनमन सुम्पी सके अब तिम्रो हुन बाँकी
